Azərbaycanda Dövlət Suverenliyi Günü təsis edildi - Sərəncam
Gündəm / Siyasət
Oxunub: 14
19 Eyl 2024 | 12:06
Azərbaycanda Dövlət Suverenliyi Günü təsis edildi - Sərəncam

Prezident İlham Əliyev Azərbaycan Respublikasında Dövlət Suverenliyi Gününün təsis edilməsi haqqında Sərəncam imzalayıb.

Sərəncamda deyilir:

“Ermənistan Respublikası 1990-cı illərin əvvəllərindən başlayaraq Birləşmiş Millətlər Təşkilatının Nizamnaməsinin tələblərini kobud şəkildə pozaraq Azərbaycan Respublikasına qarşı işğalçılıq siyasəti həyata keçirmiş və hərbi gücdən istifadə edərək ölkəmizin beynəlxalq səviyyədə tanınmış ərazisinin 20 faizini işğal etmişdir. Ermənistanda və işğal olunmuş Azərbaycan torpaqlarında azərbaycanlılara qarşı etnik təmizləmə aparılmış, insanlıq əleyhinə cinayətlər və hərbi cinayətlər nəticəsində şəhər və kəndlərimiz viran edilmiş, ölkəmizin təbii resursları talan olunmuş, dövrümüzün ən dəhşətli faciələrindən olan Xocalı soyqırımı törədilmişdir.

Ermənistanın yeni işğalçılıq planlarına, növbəti hərbi təcavüz cəhdinə və ardıcıl təxribatlarına cavab olaraq 2020-ci il sentyabrın 27-də başlamış 44 günlük Vətən müharibəsi nəticəsində Azərbaycan Silahlı Qüvvələri Ermənistan ordusunu darmadağın etmiş və tarixi Zəfər qazanmışdır. Azərbaycan öz torpaqlarını 30 illik işğaldan azad edərək ərazi bütövlüyünün bərpasına və BMT Təhlükəsizlik Şurasının qətnamələrinin yerinə yetirilməsinə nail olmuşdur.

2023-cü il sentyabrın 19-da Azərbaycanın Qarabağ iqtisadi rayonunda törədilən genişmiqyaslı təxribatların qarşısının alınması və Ermənistan silahlı qüvvələrinin qalıqlarının tərksilah edilərək torpaqlarımızdan çıxarılması, həmin ərazilərdə Azərbaycan Respublikası konstitusiya quruluşunun bərpa edilməsi məqsədilə antiterror əməliyyatına başlanmışdır. Cəmi 23 saat davam etmiş və sentyabrın 20-də başa çatmış əməliyyat nəticəsində rəşadətli Azərbaycan Ordusu qarşısına qoyulmuş bütün vəzifələri yüksək peşəkarlıqla yerinə yetirmişdir. Beləliklə, növbəti parlaq Qələbə nəticəsində Azərbaycan Respublikasının suverenliyi tam bərpa edilmişdir. Azərbaycan xalqının həyatında müstəsna əhəmiyyət kəsb edən şanlı Zəfər sayəsində bu gün Azərbaycan Respublikasının Dövlət Bayrağı suverenliyimizin bərqərar olduğu bütün ərazilərdə əzəmətlə dalğalanmaqdadır.

Hər bir xalq üçün öz taleyinə sahib olmaq, müstəqil dövlətini yaradaraq inkişaf etdirmək onun ən böyük nailiyyətidir. Tarixin müxtəlif mərhələlərində üzləşdiyi çətinliklərə, işğala, məhrumiyyətlərə baxmayaraq, heç bir qüvvə xalqımızın müstəqillik, dövlətçilik əzmini sarsıda bilməmişdir. Azərbaycan xalqı bu gün öz müstəqil dövlətinə sahibdir, qəhrəman əsgər və zabitlərimizin, şəhidlərimizin qanı hesabına əldə edilmiş ərazi bütövlüyümüz, suverenliyimiz xalqımızın milli sərvətidir.

Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq, 2023-cü il sentyabrın 20-də Azərbaycan Respublikasının bütün ərazisində qanunun aliliyinin təmin olunduğunu və Azərbaycan Respublikasının dövlət suverenliyinin bərpa edildiyini nəzərə alaraq qərara alıram:

1. Hər il sentyabrın 20-si Azərbaycan Respublikasında Dövlət Suverenliyi Günü kimi qeyd edilsin.

2. Azərbaycan Respublikasının Nazirlər Kabineti bu Sərəncamdan irəli gələn məsələləri həll etsin”.
Bugün, 17:02
Sürücülərin nəzərinə - Paytaxtda bu küçə bağlanır
Bugün, 17:02
Sürücülərin nəzərinə - Paytaxtda bu küçə bağlanır
Bugün, 16:23
Prezident Xankəndi Dövlət Dram Teatrının binasında görüləcək işlərlə tanış olub
Bugün, 15:47
Prezident Xankəndiyə getdi
Bugün, 15:27
İlham Əliyev Ağdam-Əsgəran-Xocalı-Xankəndi avtomobil yolunda aparılan işlərlə tanış olub
Bugün, 14:30
Hesablama Palatası İdman Akademiyasındakı nöqsanları niyə yaymadı?
Bugün, 14:26
Lukaşenko: Qərb müşahidəçiləri seçkilərə əvvəlcədən hazırlanmış qərarlarla gəliblər
Bugün, 14:01
DYP hava şəraiti ilə bağlı müraciət etdi
Bugün, 12:45
20 sentyabr iş günüdür? - Rəsmi açıqlama
Bugün, 12:06
Azərbaycanda Dövlət Suverenliyi Günü təsis edildi - Sərəncam
Bugün, 09:53
Ordumuzun 23 saatlıq mükəmməl əməliyyatı: 1 il ötdü
Bugün, 09:28
Neftin bu günə olan qiyməti
Bugün, 08:54
ABŞ: İran hakerləri Trampın seçki kampaniyası sənədlərini oğurlayıb
Dün, 19:31
USAİD, senator və konqresmenlər ABŞ-nin Cənubi Qafqazdakı maraqlarına qarşı – ANALİZ
Dün, 19:01
İstintaq Komitəsi: “Wildberries”in ofisində atışma nəticəsində iki nəfər ölüb, yeddi nəfər yaralanıb
Dün, 18:35
Rusiyada saxlanılan azərbaycanlı vəkil Elman Paşayev həbs edilib - YENİLƏNİB
Dün, 17:51
Naxçıvanda mədəniyyət nazirinin müavinlərinin sayı artırıldı
Dün, 16:26
Ərdoğan: Türkiyə konstitusiya dəyişikliyi məsələsində qərarlıdır
Dün, 15:14
Rus hakerlər Ermənistanı hədələdi: Ya 2.5 milyon verin, ya da...
Dün, 14:35
Fransanı yamsılayan Niderland: Amsterdam Bakıdan üzr istəməlidir - ŞƏRH
Dün, 13:01
KTMT Baş katibi: Ermənistanla dialoqa hazırıq
Dün, 12:36
Noyabrda ardıcıl 6 gün iş olmayacaq
Dün, 11:32
Paşinyan: Ermənistan KTMT ilə geridönüşü olmayan nöqtəyə yaxındır
Dün, 10:53
Milli Musiqi Günü münasibətilə Üzeyir Hacıbəylinin məzarı ziyarət olunub
Dün, 10:30
I Qarabağ müharibəsinin daha dörd itkin şəhidi dəfn ediləcək
Dün, 10:02
Payız Azərbaycana bu tarixdə daxil olacaq
Dün, 09:29
Azərbaycanda TOYDA QƏTL: kişini döyüb öldürdülər